Kamis, 09 Agustus 2018

BINTANG TUJOEH DI DARUSSALAM


(Dayah Nomor satu Di Atjeh).

Di Darussalam na bintang Tujoeh,
Cahaya teumboh cukoep that raya,
Asai cahaya bak hamba Tasawof,
Derajat Tuhan boeh Wali Muda,

Bintang yang keuphoen Muhibbuddin Wali,
Geulantoe geubri Abuya Muda,
Ureung yang malem ilme tinggi,
Nyan keuh hai akhi aneuk pertama,

Bintang keudua Jamaluddin Wali,
Ureung yang ahli dalam agama,
Geumeutawajoeh sana ngon sini,
Kadang hai akhi troeh uluwa kota,

Teuma yang keulhe Syekh Amran Wali,
Ureung yang ahli lam ilme sastra,
Tauhid Tasawuf yang geudalami,
Ngon Ridha Rabbi Se Asia Tenggara,

Bintang yang kepeut M Nasir Wali,
Ilme tinggi ngon bijaksana,
Ureung yang Arif Wahe ek akhi,
Hantoem na benci keu manusia,

Bintang keulimoeng Mawardi Wali,
Ilme yang tinggi beungeh han tom na,
Han toem diteubit kata bak bibi,
Caci ngon maki sesama manusia,

Teuma yang kenam Ruslan Wali,
Bak didik santri didoeng nomo sha,
Ureung yang malem ilme tinggi,
Beliau ahli lam ilme jiwa,

Bintang keutujoeh wahe eu akhi,
Goh lom deuh dali diteubit cahaya,
InsyaAllah Ngon Izin Rabbi,
Cahaya yang tinggi disinan kelua,

Bak saboh Akan Deuh Dali,
Wate Dibumi Mursyid Tan Le Na,
Ureung Ka Siboek Ngon Harta Duniawi,
Yang Awai Kasuci ka meunajis Teuma,

Pajan keuh masa akan terjadi,
Rahasia Rabbi wahe syedara,
Nama bintang nyan akan bersemi
InsyaAllah Hai Akhi Akan Troeh Masa,

Nyan Keuh Penggatoe Syekh Muda WALY,
Yang Geulisani bak Mesjid Syekhuna,
Bak Tameh Tingoeh Seubagoe Bukti,
Jeud Seulidiki NYOE HAN PEUCAYA,

Kamoe meulake Bak Ilahi Rabbi,
Moga beugeubri yang kamoe pinta,
Ngon Al fatihah kamoe top rawi,
Beu geuridhai yang kamoe reka,

Wassalam...

Tidak ada komentar:

Posting Komentar